Ekspertiza e Ceri Bateman e pozicionon atë në një rol kyç në projektin e ri të Defender. Kryeinxhinierja e Dizajnit Digjital të Eksterierit shërbeu si një urë lidhëse ndërmjet projektuesve dhe inxhinierëve, duke lidhur pamjen karakteristike të legjendës 4x4 të riprojektuar me performancën dhe durueshmërinë funksionale.


Frymëzuar nga pasioni për automjetet që prej fëmijërisë kur ndiqte garat me makina me babanë e saj, Ceri u ndie krenare që mundi të punonte për zhvillimin e një prej automjeteve të reja më të shumëpritur prej vitesh. Ndikimi i saj te modeli Defender vihet re qartë te fenerët e përparmë me dizajnin e tyre elegant dhe me teknologji të avancuar.


Si një inxhiniere sipërfaqesh eksterieri, Ceri mund të punojë me gjithçka që klienti sheh ose prek në automjet. Sa u përket fenerëve të përparmë të Defender, kjo punë përfshiu xhamat e jashtëm kryesorë, konturet tregues të drejtimit, kornizën dhe kapakun mbrojtës për larjen me presion.

Pamje e përparme e Defender me fenerët e përparmë

“Duhet që të funksionojë krahas të gjitha aspekteve inxhinierike të përfshira. Dhe secila pjesë ka disa toleranca. Të gjitha përbëhen nga materiale të ndryshme dhe kanë hapësira boshe të ndryshme ndërmjet tyre.


“Duhet të dish se çfarë funksioni ka çdo pjesë dhe të punosh me furnizuesit për t’u siguruar se gjithçka puthitet siç duhet, pasi nëse një seksion nuk puthitet, atëherë nuk do të funksionojë.”


Defender vendosi në provë aftësitë krijuese të Ceri dhe ekipit të saj për zgjidhjen e problemeve, orientimin hapësinor 3D, komunikimin dhe vëmendjen ndaj detajeve. Ata ia dolën me sukses që të puthitnin dhe vendosnin në funksion të gjithë komponentët, duke ruajtur pamjen e synuar prej projektuesve.


“Ne përpiqemi gjithmonë që të fokusohemi te ruajtja e synimit të dizajnit dhe t’i përmbahemi atij sa të jetë e mundur.”


Kritikët dhe klientët bien dakord se Defender ka pasur një sukses të jashtëzakonshëm që prej nxjerrjes në treg në vitin 2019. Interesi për këtë model është i qartë për Ceri, e cila ndonjëherë përdor Defender në vizitat universitare për të nxitur brezin e ardhshëm të personave që mund të punojnë me krijimin e automjeteve.


“Është një automjet argëtues. I rafinuar, por argëtues. Këtë automjet mund ta përdorësh si të duash dhe t’i caktosh çdolloj funksioni që dëshiron. Ai mund të bëjë gjithçka.”

Pamje anësore e Defender Octa
Fenerët anësorë të Defender

Ceri iu bashkua JLR pas studimeve në dizajn automobilistik.


“Gjatë universitetit, mendoj se asokohe isha naive sepse besoja se raporti i grave dhe burrave do të ishte thuajse i barabartë. Por në grupin tonë prej 120 personash ishim vetëm tri gra”.


Kjo po ndryshon. Ceri luan rolin e saj si anëtare e grupit Gratë në Krijim në JLR, që synon të mbështesë dhe vlerësojë koleget në mënyrën më të përshtatshme për to.


“Ne dëshirojmë që JLR të jetë i larmishëm për arsyet e duhura. Kam pasur situata ku jam etiketuar si një grua e punësuar sa për numër dhe nuk dua që të shihem si e tillë. Dua të jem pjesë e stafit për shkak të aftësive të mia, jo sepse jam grua”.

HISTORI TË TJERA TË DEFENDER

në mbështetje të grave me vetëbesim

GRA QË PËRQAFOJNË TË PAMUNDURËN

Vlerësimi i grave të guximshme që përqafojnë të pamundurën me Defender.
Foto profili e Emma Kowalczuk

HARMONI INXHINIERIE

Si Përgjegjëse e Sektorit të Elektromagnetikës, Emma drejton një ekip të përbërë prej inxhinierëve ekspertë, që përdorin simulime kompjuterike për të garantuar funksionimin e harmonizuar të teknologjisë pa tel.
Foto profili e Deniz Yetkin

ÇDO DETAJ ËSHTË I RËNDËSISHËM

Si Përgjegjëse e Zinxhirit të Proceseve për Programet e Automjeteve, Deniz punon në çdo hap të modelit Defender për të siguruar se automjeti është novator dhe përmbush standardet më të larta të cilësisë dhe besueshmërisë.

EKSPLORONI MODELET DEFENDER

Automjet i parkuar në shkretëtirë

DEFENDER 130

Hapësira më e mirë për deri në tetë pasagjerë me rreshtin e tretë të sedileve.
Pamje anësore e automjetit të parkuar në gjelbërim

DEFENDER 110

Hapësirë e përmirësuar, me shtatë sedile dhe me opsion për një rresht të tretë sedilesh.
Pamje anësore e automjetit të parkuar

DEFENDER 90

Zgjidhni ndërmjet pesë ose gjashtë sedileve.
Pamje anësore e Defender

DEFENDER HARDTOP

I disponueshëm me pesë, gjashtë ose shtatë sedile dhe dy dizajne karrocerie.