Udhëtimet me kafshët shtëpiake dhe njohja me udhëzimet BARK | Discovery

HISTORITË E DISCOVERY

Mbajeni qenin tuaj në freski

Udhëtimi me qenin tuaj në automjetin tuaj Discovery është në vetvete një aventurë. Por kur temperaturat rriten, është shumë e rëndësishme që miku juaj të qëndrojë në freski, të ndihet rehat dhe të jetë i sigurt. Më poshtë gjeni disa këshilla për ta bërë udhëtimin në automjetin Discovery sa më të këndshëm për qenin tuaj, edhe kur moti është i nxehtë.

PËRSE ËSHTË E RËNDËSISHME QË QENI JUAJ TË QËNDROJË NË FRESKI

Qentë nuk djersijnë si njerëzit, ndaj janë më të rrezikuar nga mbinxehja. Në një makinë të nxehtë, temperatura mund të arrijë në nivele të rrezikshme brenda pak minutash, duke rritur gjasat që qeni juaj të pësojë goditje nga i nxehti. Falë interierit të bollshëm dhe kontrollit klimatik të avancuar në automjetin tuaj Discovery, ky rrezik zvogëlohet ndjeshëm. Megjithatë, mund të merrni edhe masa të mëtejshme për të siguruar rehatinë e qenit tuaj.

KONDICIONERI PËR MIKUN TUAJ MË TË MIRË

Megjithëse mund të jetë tunduese që ta lejoni qenin tuaj të nxjerrë kokën jashtë dritares, kjo nuk është një mënyrë e sigurt apo efikase për t’i siguruar freski. Në vend të kësaj, përdorni kondicionerin në automjetin tuaj Discovery. Ai mundëson qarkullimin e qëndrueshëm të ajrit të freskët, duke bërë që qeni juaj të ndihet rehat edhe në ditët më të nxehta.

Për qentë që udhëtojnë në bagazh, mund të përdorni një tapet ftohës për t’u siguruar rehati. Kombinojeni tapetin me një mbrojtëse qensh me ajrosje për të mundësuar qarkullimin e ajrit në të gjithë kabinën.

HIDRATIMI ËSHTË KRYESOR

Qeni juaj nuk mundet t’ju njoftojë se kur ndien etje, ndaj duhet që të përgatiteni paraprakisht. Merrni me vete një tas uji të palosshëm dhe ndaloni rregullisht gjatë udhëtimit. Bagazhi i automjetit tuaj Discovery është ideal për mbajtjen e të gjitha produkteve të nevojshme për qenin tuaj, si shishja e ujit dhe ushqimet.

Këshillë: Ngrini në frigorifer një lodër qensh prej gome të mbushur me ushqimin e preferuar të qenit tuaj. Kjo është një mënyrë e lehtë për ta mbajtur qenin tuaj të freskuar dhe të argëtuar gjatë udhëtimit

UDHËTONI NË MËNYRË INTELIGJENTE: PLANIFIKIMI I KOHËS ËSHTË GJITHÇKA

Udhëtimi gjatë orarit më të freskët të ditës, si herët në mëngjes ose në mbrëmje vonë është më i rehatshëm si për qenin tuaj, po ashtu edhe për ju. Manovrimi i lehtë i automjetit tuaj Discovery dhe kabina e qetë ndihmon që qeni juaj të ndihet i qetë dhe i relaksuar.

SIGURIA VJEN E PARA

Sikurse ju nuk do të udhëtonit pa vendosur rripin e sigurisë, po ashtu edhe qeni juaj duhet të udhëtojë përherë i sigurt. Përdorni një rrip qensh të testuar kundër përplasjeve ose një kafaz me ajrosje për ta mbajtur qenin tuaj të sigurt në rastin e frenimeve të forta. Interieri i gjithanshëm i automjetit tuaj Discovery jua bën të lehtë instalimin e këtyre aksesorëve, duke garantuar udhëtimin e sigurt të qenit tuaj.

AKSESORË QË QENI JUAJ TË QËNDROJË NË FRESKI

Në vijim renditen disa nga aksesorët e domosdoshëm për ta shndërruar automjetin tuaj Discovery në një SUV ideale për qentë:

Tapetat ftohës: të përshtatshëm për bagazhin ose sedilet e pasme
Mbrojtëset e qenit me ajrosje: mbajeni qenin tuaj të sigurt ndërsa garantoni qarkullimin e ajrit
Tasat e ujit të palosshëm: të lehtë për t’u marrë me vete dhe përdorur gjatë udhëtimit
Shall ose bluza freskuese: prakticitet dhe stil për motin e nxehtë

SI TË VEPRONI NË RAST EMERGJENCE

Nëse vini re shenja të goditjes nga i nxehti, si frymëmarrje e shtuar, jargë ose çorientim, veproni sa më shpejt. Zhvendoseni qenin tuaj drejt një zone me hije, jepini të pijë ujë të freskët me ngadalë dhe mbështilleni me një peshqir të lagur. Në rast se simptomat nuk përmirësohen, kontaktoni menjëherë me veterinerin tuaj.

UDHËZIMET BARK PËR NJË UDHËTIM TË SIGURT

Mbani mend udhëzimet BARK kur udhëtoni me qenin tuaj:

Pushime të rregullta
Ujë i bollshëm
Rripa sigurie për qentë
Ruajtja e temperaturës së freskët para së gjithash

Nëpërmjet këtyre këshillave dhe veçorive novatore të Discovery, ju dhe qeni juaj do të shijoni çdo udhëtim, pavarësisht motit.

Qeni juaj është pjesë e familjes dhe automjeti juaj Discovery është SUV familjare e përsosur për ta mbajtur qenin tuaj të sigurt, rehat dhe të lumtur.