HISTORIKU I DEFENDER

Historiku i Defender e ka fillesën në vitin 1947 në Red Wharf Bay, në ishullin Anglesey në Uells. Maurice Wilks skicoi në rërë një model që më pas do të shndërrohej në një nga automjetet më madhështore.

Një vit më pas, Land Rover i parë iu paraqit botës. Një krijim unik i dizajnit industrial, ky model ishte projektuar për kapacitet të lartë me panele alumini të lehta, anësi të shkurtra dhe, më e rëndësishmja, drejtimin me të kartërta rrotat që mund të zgjidhej nga përdoruesi.

Në të gjitha modelet, përveç atyre më të hershme, levat me kokëza të kuqe dhe të verdha në transmision e bënin kalimin nga drejtimi me dy në atë me katër rrota një proces shumë të thjeshtë dhe funksional në çdo situatë. Ky ishte sistemi pararendës i sistemit unik Terrain Response të modeleve Defender moderne.

Brenda pak muajve, krijimi i Wilks u vendos në shitje në mbarë botën. Pak kohë më pas, ai u bë pjesë e familjes mbretërore britanike. Modeli i parë State Review Land Rover, me dizajnin e posaçëm të platformës së pasme, përdorej për të përshëndetur turmat gjatë udhëtimit të parë të Mbretëreshës Elizabeth II dhe Dukës së Edinburgut, Princit Philip në vendet e Komonuelthit në vitin 1953.

Përgjatë jetës së saj të gjatë, Mbretëresha Elizabeth II është parë shpeshherë duke drejtuar një automjet Defender në pronat mbretërore, ku automjetet Defender vijojnë t’i shërbejnë Familjes Mbretërore.

Gjithashtu, automjeti do t’i japë mundësi një lloji të ri aventurieri që të përballet me çfarëdolloj terreni në planet. Ekspedita legjendare e Oksfordit dhe Kembrixhit në Lindjen e Largët u bë popullore kur gjashtë studentë universiteti udhëtuan 18.000 milje nga Londra në Singapor në vitet 1955-56.

Në mënyrë të ngjashme, çifti britanik George dhe Jinx Rodger përshkuan 10.000 milje gjatë shtatë viteve në automjetin e tyre me portobagazh, duke dokumentuar fiset dhe kafshët e egra të rrezikuara në Afrikë. Biologu kanadez Bristol Foster dhe artisti i botës së egër Robert Bateman ndërmorën një udhëtim prej 40.000 miljesh përreth botës. Historitë e ngjashme janë të shumta.

Këto aventura kanë shërbyer për krijimin e një sfondi rekreativ udhëtimesh në terrene të pashtruara. Pjesëmarrësit në garën Camel Trophy - e ngjashme me një kampionat botëror për automjetet 4x4 - frymëzuan krijimin e një mjeti të përsosur për qëllime të shumëfishta, për të përballuar si ekspeditat më sfiduese, po ashtu edhe udhëtimet e thjeshta të kampingut.

Defender e shndërroi këtë aspekt në një fenomen global. Ai vijon të jetë kryesues, si mishërim i aventurës, udhëtimit në terrene të pashtruara dhe veprimtarisë humanitare.

Para së gjithash, kjo u bë e mundur falë projektimit inxhinierik për të krijuar një automjet me kapacitet të lartë. Dhe vijon të jetë i tillë. Çdo version ka shkuar një hap më tej, duke përcaktuar standarde të vështira për t’u ndjekur nga të tjerët.

Interakset e reja dhe më të gjata e bënin modelin fillestar më të përdorshëm, duke mundësuar edhe variante shtesë kamionçinash dhe modelesh me portobagazh. Modeli me portobagazh përfshiu dritat alpine të mirënjohura në faqet anësore të pjesës së sipërme, duke i mundësuar një ndriçim më të mirë automjetit dhe duke përmirësuar shikueshmërinë për të menaxhuar kthesat në rrugët malore.

Motorët u bënë më të fuqishëm dhe eficientë, por automjeti vijonte të shërbente para së gjithash për qëllime funksionale. Një ‘paketë comfort’ e hershme opsionale përfshinte thjesht shtresa veshjeje për pjesën e sipërme dhe dyert. Megjithatë, një nga veçoritë i rezistoi kohës - Defender ende mund të porositet me tapete gome të durueshme dhe që mund të lahen.

Në dekadën e parë, 70 për qind e prodhimit eksportohej në 150 vende. Asnjë automjet tjetër më parë nuk kishte lënë kaq shumë gjurmë nëpër botë. Për shumë persona në mbarë botën, me gjasë ky ishte automjeti i parë që kishin hasur ndonjëherë.

Shitjet në nivel botëror përfshinin versione ushtarake, çka frymëzoi emrin Defender që u përdor më pas për të gjitha variantet. Shumë nga modelet për përdorim civil ishin gjithashtu të jashtëzakonshme, duke shërbyer si karrotrecë, ambulanca dhe platforma hidraulike.

Defender ka qenë edhe pjesë garash, duke u shndërruar në një makinë konkurrente të fuqishme nga ekspertët e garave me makina në Bowler.

Falë durueshmërisë së tij të pakrahasueshme, ky automjet 4x4 unik u bë gjithnjë e më i dëshiruar. Series II e vitit 1958 e bëri automjetin edhe më tërheqës, duke shtuar konturet elegante që janë ende të pranishme në modelet Defender moderne.

Kjo pamje tërheqëse i dha Defender mundësinë të ishte pjesë e hapësirave më luksoze. Gjatë viteve ‘60, yje të njohura botërore, si Marylin Monroe, Steve McQueen dhe Paul McCartney janë fotografuar me krijimin e gjithanshëm të vëllezërve Wilks.

Komoditetet moderne nisën të shfaqeshin te modelet e Series III që prej vitit 1971, ku përfshihej një kroskot i veshur dhe një panel instrumentesh i vendosur pas një timoni të ri. Dhe motori me fuqi V8 u bë i disponueshëm për personat që kërkonin një performancë më të lartë në terren të shtruar dhe të pashtruar.

Kampionati County i vitit 1982 ishte një tjetër shenjë se ky automjet 4x4 ishte më shumë sesa një automjet i fuqishëm pune. I dallueshëm së jashtmi prej ngjyrave të reja me dekale, për herë të parë ai ofronte edhe sedile me veshje tekstili.

Një vit më pas, versionet Ninety dhe One Ten përfshinë dizajnin e pjesës së përparme, që qëndroi i pandryshuar deri në fund të prodhimit të modeleve Defender klasike. Motorët me naftë me fuqi turbo u shoqëruan edhe nga interieri i përmirësuar. Rehatia në automjet u përmirësua më tej falë suspensionit të ri me susta spirale.

Emri i Defender u përcaktua në vitin 1990. Ky emër ishte një pasqyrim i përsosur i asaj çka klientët në mbarë botën mendonin për këtë automjet unik: i besueshëm, i qëndrueshëm, i fuqishëm dhe i sigurt. Ai është projektuar për të udhëtuar anembanë.