MODALITETET E DREJTIMIT TË AUTOMJETIT ELEKTRIK
Eksploroni modalitetet që ju mundësojnë të zgjidhni mënyrën optimale.
MODALITETI HIBRID
Modaliteti i drejtimit standard prioritizon automatikisht energjinë elektrike, për sa kohë nuk ju nevojitet fuqi shtesë nga motori me karburant, ose kur karikimi ka mbaruar.
MODALITETI I AUTOMJETIT ELEKTRIK (EV)
I përzgjedhur manualisht me butonin në konsolë, modaliteti EV maksimizon kohën e shpenzuar duke përdorur energji elektrike. Sistemi do ta aktivizojë motorin me karburant vetëm nëse nevojitet fuqi maksimale.
OPTIMIZIMI I KONSUMIT EKONOMIK TË KARBURANTIT
Në modalitetin e drejtimit standard (Hibrid), ju mund ta optimizoni konsumin ekonomik të karburantit ose karikimin e baterisë duke përdorur njërën nga dy funksionet alternative të menaxhimit të karikimit:
FUNKSIONI SAVE
I zgjedhur manualisht nëpërmjet ekranit me prekje të automjetit, funksioni SAVE/KURSE pengon rënien e karikimit të baterisë nën nivelin e zgjedhur. Në këtë mënyrë, ju do të mund të siguroni një udhëtim të qetë, me zero emetime nga marmita, për një moment të mëvonshëm në rrugëtimin tuaj.
FUNKSIONI I OPTIMIZIMIT PARASHIKUES TË ENERGJISË (PEO)
Vendosja e një destinacioni në sistemin tuaj të navigacionit do të aktivizojë automatikisht funksionin PEO në automjetin tuaj. Nëpërmjet përdorimit të të dhënave gjeografike për të parashikuar rrugën, PEO kryen kalim inteligjent ndërmjet motorit elektrik dhe atij me karburant, për të maksimizuar konsumin ekonomik të karburantit gjatë udhëtimit. Në këtë mënyrë, reduktohen edhe emetimet nga marmita në zonat urbane.
FRENIMI RIKUPERUES
Pavarësisht modalitetit të drejtimit, sapo të hiqni këmbën nga akseleratori në automjetin tuaj Hibrid elektrik me karikim, sistemi inteligjent i frenimit rikuperues ngadalëson qetësisht automjetin, ndërsa konverton energjinë e gjeneruar për të optimizuar distancën për karikim. Frenimi rrit sasinë e energjisë së gjeneruar.
MBËSHTETJE SHTESË
SI TA KARIKONI
Kuptoni hapat e thjeshtë të karikimit të automjetit tuaj në shtëpi ose në vendndodhjen tuaj të radhës.
VENDOSJA NË PUNË
Për të përdorur sa më me efikasitet funksionet dhe veçoritë kryesore të automjetit tuaj, hapi i parë është lidhja e sistemit të informacionit dhe argëtimit dhe përcaktimi i kontrolleve në distancë për telefonin tuaj inteligjent.
MAKSIMIZONI JETËGJATËSINË E BATERISË
Ndiqni këto këshilla të thjeshta për ta mbajtur baterinë tuaj efikase dhe të qëndrueshme.