Aktivizoni Remote

Vizitoni faqen e internetit My Land Rover InControl dhe krijoni një llogari duke vendosur adresën tuaj të e-mail-it, në mënyrë që t’ju dërgohet një e-mail regjistrimi. Klikoni te lidhja e sigurt në e-mail dhe ndiqni udhëzimet e aktivizimit të shfaqura në ekran.

Më pas do t’ju kërkohet të lidhni automjetin tuaj Land Rover me llogarinë tuaj për të konfirmuar se jeni pronari ose një përdorues i autorizuar. Për këtë, do t’ju duhet të aksesoni automjetin tuaj brenda 60 minutave për të përfunduar aktivizimin, përndryshe do t’ju duhet të rifilloni procesin.

Do t’ju kërkohet të vendosni të dhënat e automjetit dhe të pranoni kushtet ligjore. Gjithashtu, do të mund të aktivizoni funksionin Journeys (Rrugëtimet).

Përpara se të filloni, sigurohuni që të keni akses tek automjeti juaj, që ai të jetë i parkuar në një zonë me mbulim rrjeti të mirë dhe që të keni gati numrin e regjistrimit. Gjithashtu, do t’ju nevojitet dhe VIN (numri i identifikimit të automjetit), që mund ta gjeni në anën e majtë të xhamit të përparmë ose në doracakun e automjetit.

Për të shtuar një automjet në llogarinë tuaj, hyni dhe shkoni te seksioni Add Vehicle (Shtoni automjet). Ndiqni hapat në ekran për të lidhur automjetin me llogarinë tuaj.

Nëse e shisni, këmbeni apo transferoni pronësinë e automjetit tuaj Land Rover privatisht, ju duhet ta hiqni automjetin nga llogaria juaj InControl. Për këtë, hyni në My Land Rover InControl, shkoni te Vehicle Settings (Cilësimet e automjetit) dhe shtypni butonin Remove Vehicle (Hiqni automjet).

Nëse keni abonime InControl të papërfunduara, ato do t’i transferohen pronarit të ri të automjetit tuaj për pjesën e mbetur të periudhës së abonimit, në varësi të zbatimit të hapave për krijimin e llogarisë InControl nga ana e pronarit të ri.